Француската национална железница запрела два брзи воза за да и помогне на постара патничка која влегла во погрешен воз.
Возот тргнал од железничката станица Исток во Париз кон Нанси и во еден момент старата жена која одела кон Ремс, сфатила дека влегла во погрешен воз. Кога увидела грешката, на старата жена и дошле солзи на очи.
Таа му рекла на човекот кој седел во возот до неа дека ќе стаса во Нанси во 22 часот и 50 минути и дека не знае каде да оди, објавуваат француски медиуми.
Тој и ветил дека ќе поразговара со контролорите и подоцна нејзиниот проблем бил решен.
Надлежните во железницата организирале возот со голема брзина во кој била жената да запре на станица оддалечена околу 10 км. од станицата во Ремс, а другиот воз кој тргнал 15 минути подоцна од Исток во Париз и одел кон Ремс, исто така да се запре вонредно на истата станица во близина на Ремс и да ја земе старицата.
Нејзиниот „сосед“ од возот изјави за француски медиуми дека никогаш не би помислил дека Железницата може да биде толку флексибилна.