Зајберт: Германија нема да се спротивстави на продолжување на рокот за Брегзит

Од:

Германија нема да се спротивстави на каков било предлог на Европската Унија за продолжување на рокот за излегување на Велика Британија од ЕУ на 31 октомври, изјави денеска Штефан Зајберт, портпарол на германската канцеларка Ангела Меркел.

dobivaj vesti na viber

– Не можам да го предвидам исходот од консултациите, но во име на сојузната Влада можам да кажам дека Германија нема да застане на патот на продолжувањето (на рокот), наведе Зајберт.

Британскиот премиер Борис Џонсон синоќа изјави дека одлучил да го прекине разгледувањето на договорот за Брегзит во британскиот Парламент. Неговата одлука уследи откако Парламентот го отфрли предлогот на Владата дебатата да заврши за три дена.

Тоа значи дека ќе биде речиси невозможно Џонсон да го исполни ветувањето за излез на Велика Британија од ЕУ на 31 октомври, со оглед на тоа што пратениците бараат повеќе време да го разгледаат законот.

Џонсон има два избора – да се согласи на пратениците да им даде повеќе време, што значи дека ќе го одложи Брегзит најмалку неколку недели, или да го повлече законот и ќе се обиде да ги натера пратениците да гласаат за распишување избори. И во двата случаи ЕУ мора да се согласи за одложување на Брегзит.

Би можело да ве интересира

Хабек со предупредување до Унгарија да не блокира воведување ембарго за руска нафта во ЕУ

Хабек: Четири кризи што светот го водат кон глобална рецесија

Катерина Павлова-Николовска

Џонсон го убедувал Ердоган да соработува со Финска и Шведска за членството во НАТО

Ана Ололовска

Драматични снимки: Разорно торнадо го погоди западниот дел на Германија

Ана Ололовска

Шолц: Катар има централна улога во новата енергетска стратегија на Германија

Ландов

Шолц е убеден дека Шведска и Финска ќе влезат во НАТО

Ана Ололовска