Зајакнување на безбедноста на храната во ЕУ

Од:

Постигната е согласност меѓу Европскиот парламент и романското претседателство со Советот, околу нацрт правилата да се обезбеди поголема транспарентност во проценката на ризикот во исхраната, јави дописникот на МИА од Стразбур.

Новите правила имаат за цел да се подобри транспарентноста на проценка на ризик, доверливост, објективност и независноста на студиите доставени од страна на индустријата за поддршка на апликации за одобрување и користени од страна на Европската агенција за безбедност на храна (ЕФСА) во проценката на ризикот.

Воведена е нова постапка за пред поднесување, според која ЕФСА може да го советува барателот за тоа како да се обезбедат сите потребни информации.

Заедничка европска база на нарачани студии ќе биде воспоставена за да се спречат компаниите да ги кријат неповолните студии. Откако студиите се доставуваат до агенцијата, тие ќе може исто така да се консултираат со трети страни за да утврдат дали постојат други релевантни научни податоци или студии.

Преговарачите, исто така, се согласија за еден сет на критериуми за одлучување за тоа кои информации може да се чуваат во тајност, на пример, постапките за производство, со исклучок на релевантни информации за проценката на безбедност.

Предлогот ја следи иницијативата на европските граѓани за глифосатот, особено загриженоста изразена во иницијативата за транспарентност на научните студии што се користат за проценка на пестицидите. Тој, исто така, ја следи ревизија на усогласеност на Законот за општа исхрана, која започна во 2014 година, а заврши во јануари 2018 година од страна на Комисијата.

Неформалниот договор сега мора да биде одобрен од страна на Парламентот и Советот на министри. Комисијата за животна средина на ЕП ќе гласа на 20 февруари 2019 година.

Би можело да ве интересира

Избрани 11 потпретседатели на Европскиот парламент

Избори за ЕП: Гласање во Латвија, Малта и во Словачка

Британците ќе учествуваат на изборите за Европскиот парламент

Даниелсон во Тирана: Одлуката на опозицијата ја поткопува интеграцијата, неопходен е конструктивен дијалог

ЕП: Да се отворат пристапните преговори со Македонија и Албанија

Келам: Сега е време да се фокусирате на реформските цели и националното единство