Русија никогаш не одбила да преговара со Украина и подготвена е да води преговори поради итноста на ситуацијата, изјави денеска Марија Захарова.
На брифингот со новинарите Захарова го критикува Берлин дека ѝ испорачува оружје на Украина наместо да влијае врз Киев да почне преговори со Русија.
„Наместо да го искористи своето влијание врз властите во Киев за почеток на преговорите, Германија, спротивно на нејзините закони и прописи, кои забрануваат извоз на оружје во кризните региони и во зоните на вооружени конфликти, продолжува да ја снабдува Украина со вооружени системи, што само ги зголемува непријателствата“, истакна Захарова.