За уривање на мостот во Индија уапсени се девет лица

Од:

Индиската полиција денеска уапси девет лица, откако се урна пешачки мост во западниот дел на земјата.

Меѓу уапсените има и продавачи на билети и изведувачи на мостот, кој се урна во неделата вечерта во сојузната држава Гуџарат, пренесува „Ројтерс“.

Генералниот инспектор, Ашок Јадав, рече дека полицијата формирала специјален истражен тим и дека менаџерите на операторот на мостот, Орева Груп, и нивниот персонал се уапсени.

„Нема да дозволиме виновниците да избегаат, нема да поштедиме никого“, рече Јадав.

Мостот, кој неодамна беше реновиран, е стар 143 години, а повторно беше отворен четири дена пред несреќата.

Властите соопштија дека повеќе од 400 луѓе биле на и околу мостот во моментот на уривањето, а бројот на загинати надмина 130 лица.

Полицијата покрена кривична постапка против лица одговорни за реконструкција, одржување и стопанисување со мостот, а надлежните формираа петчлена комисија која ќе ги испита причините за несреќата.

Би можело да ве интересира

Објавена аудио снимка од хероите од Балтимор: „Веднаш блокирај го сообраќајот на мостот“

Горан Наумовски

Исчезнатите работници на мостот во Балтимор најверојатно загинале

Горан Наумовски

Сонар откри дека има возила во водата под урнатиот мост во Балтимор

Засега тројца уапсени за брутално силување на шпанската блогерка Фернандa

(ВИДЕО) Шпански блогерски пар нападнат во Индија: Ме силуваа седуммина

Катерина Ѓуровски

ВИДЕО: Товарен воз во Индија помина 70 киломентри без машиновозач