Во изминатите пет години бројот на слонови во Мозамбик двојно е намален поради ловокрадење, соопшти американската невладина органзиација Друштво за заштита на дивината (WCS).
По неодамнешните пребројувања регистриран е значителен пад – за само пет години во таа африканска држава убиени се 48 отсто слонови со што бројот е намален од 20.000 на 10.300 се вели во соопштение.
WCS наведуваат дека најмногу (95 отсто) слонови се убиени на север во Мозамбик во област што се граничи со Танзанија каде од 15.400 останати се само 6.100. Експерти проценуваат дека секоја година на целата територија на африканскиот континент илегално се убиени околу 30.000 слонови.