Третата експлозивна направа за два дена скриена во пакет била испратена во базата на шпанското воздухопловство во Торехон Де Ардоз во близина на Мадрид, главниот град на Шпанија.
Вчера, да потсетиме, во таа земја беа откриени две бомби. Едниот бил испратен во украинската амбасада во Мадрид, а другиот во компанија која произведува оружје на северот на земјата, соопшти шпанската полиција.
Доцна синоќа полицијата потврди дека истражува можна поврзаност меѓу две писма со бомби испратени до украинскиот амбасадор во Мадрид и шпанска компанија за оружје која произведува ракетни фрлачи и ги донира на Киев. Како што пренесува Sky News, се верува дека првите два инциденти се поврзани бидејќи на двата плика со бомбите била напишана иста адреса на е-пошта.
Во првиот инцидент, службеник на украинската амбасада во Мадрид беше повреден кога отвори писмо-бомба упатено до амбасадорот, поради што Киев нареди зголемени безбедносни мерки во сите свои амбасади во странство.
Неколку часа подоцна, компанија за производство на оружје во Сарагоса, североисточна Шпанија, добила сличен пакет, потврди полицијата. По првиот инцидент, украинскиот министер за надворешни работи Дмитро Кулеба им нареди на сите украински амбасади во странство „итно“ да ја зголемат безбедноста и ја повика Шпанија да започне истрага за нападот, изјави портпаролот на Министерството.