За четири месеци во Франција поради птичји грип се заклани речиси 1,3 милиони живина

Од:

Според француското Министерство за земјоделство речиси 1,3 милиони живина се заклани од 1 август за да се спречи повторната појава на птичји грип во француските фарми, особено во западна Франција, јави дописникот на МИА.

Извештајот на министерството сведочи за наглото забрзување на епизоотијата од птичјиот грип неколку недели пред новогодишната ноќ. Според најновите податоци на министерството, на 10 ноември биле заклани повеќе од 770.000 пилиња. Во меѓувреме, бројот на откриени епидемии во фармите е речиси двојно зголемен, на 91 случај.

Во соопштението, малцинските синдикати Конфедерасион пејзан и Модеф бараат од државата да ги субвенционира одгледувачите за да престанат да одгледуваат нови пилиња или пајчиња во најпогодените сектори. Тие особено ги наведуваат „најгустите области за размножување во западниот дел на Франција“.

„Само целосно, продолжено и компензирање на застојот на сместувањето и транспортот на живина во најчувствителните подрачја ќе овозможи да се запре епидемијата што е можно побрзо“, наведуваат оттаму. Ова застанување би го намалило бројот на кокошки, мисирки и патки присутни во исто време на одредена територија. Животните кои ќе стигнат до крајот на циклусот може да одат во кланица за консумирање, но нема да бидат заменети.

Претходната појава на вирусот во француските фарми (крајот на ноември 2021 година – средината на мај 2022 година) доведе до колење, вклучително и превентивно, на 21 милион кокошки, патки и кокошки несилки, што е досега невидено ниво. Уште пред продолжувањето на епизоотијата во текот на летото, државата планираше да плати повеќе од милијарда евра за да ги надомести загубите на професионалците.

Во Европа, 26 земји го открија вирусот на нивната почва. Производството на живинско месо и јајца трпи, а цените растат. Силното ширење на вирусот во фармите ја поттикна владата да го зголеми нивото на ризик на „високо“ на 10 ноември.

Би можело да ве интересира

Во Франција засилени безбедносни сили пред сите католички и протестантски цркви за време на Велигден

Франција ја подигна безбедноста на највисоко ниво

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца

Франција абортусот го прогласи за уставно право

ВИДЕО: Во Франција горат 900 тони литиумски батерии