Врховниот командант на украинските вооружени сили, генерал Валериј Залужни, навистина е ранет во главата, јавуваат руските медиуми.
Залужни има и шрапнели во телото, а бeше повреден за време на руски ракетен напад на почетокот на мај, изјави неименуван руски функционер, пренесува „Спутник интернешнал“, кој пак се повикува на информации од украинските безбедносни служби.
„Залужни доби прва помош кај Николаев, за да се запре крварењето, а потоа беше префрлен во воената болница во Киев, каде му беше санирана повредата на черепот“, рече соговорник на „Спутник.
Додава и дека состојбата на Залужни дополнително ја усложнувал и откриениот дијабетес тип два.
„Прогнозите се дека ќе живее, но дека нема да може да продолжи да ја работи својата работа“, вели соговорникот.