Новозаболените од коронавирус во САД сега се во просек за 15 години помлади од пациентите во раните фази на пандемијата, потврди главниот американски епидемиолог, Ентони Фаучи, имајќи ги предвид податоците на пациентите од повеќе сојузни држави како: Калифорнија, Аризона, Флорида и Тексас.
Повеќето од новите случаи се млади луѓе кои не ги почитувале мерките за социјална дистанца, пренесува Би-Би-Си.
Гувернерот на Флорида, Род де Сантис, вчера изјави дека просечната возраст на пациентите на кои им е потребна хоспитализација е 33 години, додека во март претежно беа болни пациенти на возраст помеѓу 50 и 60 години.
Во САД, од вирусот вкупно биле заразени над 3 милиони лица, од кои само денеска се потврдени над 46.727, оздравени се околу 905 илјади, а починале 133 илјади пациенти, денес се регистрирани нови 244 смртни случаи предизвикани од Ковид-19.