ВОЗНЕМИРУВАЧКО ВИДЕО: 12 луѓе се удавија во поплавена метро-станица во Кина, расте бројот на жртви во потопот

Од:

Не стивнуваат вестите за катастрофалните последици од поплавите во Кина, за кои во земјата се вели дека се најголемите во последните илјада години.

Трагедија се случи во поплавена станица од подземната железница во градот Џенгџоу, каде десетици патници останале заробени во тунел од метрото. Поголемиот дел од нив биле спасени преку дупка на покривот од еден од вагоните, но 12 луѓе се удавиле, соопштија властите.

Силните дождови, кои со денови паѓаат во провинцијата Хенан, предизвикаа излевање на сите реки и пукање на неколку брани, а поради поплавата, се случи и експлозија која целосно уништи фабрика за алуминиум во областа. Според последните информации, властите потврдиле 25 смртни случаи, но се претпоставува дека бројот на загинати во катастрофалните поплави е далеку поголем.

Најмалку 200.000 луѓе мораа да ги напуштат домовите и тие се евакуирани во други области. Околу половина од расселените поради поплавите се од Џенгџоу, според властите.

Би можело да ве интересира

ВИДЕО: Две братчиња се хит на интернет во Кина, пазарија чесно додека продавачот не беше во дуќан

Жарко Настоски

Во текот на монсунските дождови во Индија починаа повеќе од 160 лица, неколку десетици заробени под свлечишта

Кина ги обвинува САД за застој во односите

Германец даруваше милион евра за настраданите во поплавите

Источна Кина се подготвува за тајфунот Ин-фа, откажани летови, фабриките затворени

Ана Ололовска

Кина воведува реципрочни санкции против поединци и организации од САД

Ана Ололовска