Вооружени исламисти отворија оган врз цивили на пазар во гратчето Дамбоа, во североисточниот дел на Нигерија, при што загинаа 18 лица во еден од најкрвавите напади во последните неколку недели, соопшти претставник на локалните валсти.
Цел на синоќешниот напад очигледно биле локални ловци во Дамбоа, кои продаваат месо од мајмуни и свињи, кое на муслиманите им е забрането да го конзумираат.
– Вооружените напаѓачи за кои постои сомневање дека се членови на Боко Харам дошле на градскиот пазар и убија 13 локални ловци на самото место, а останатите петмина починале во болница од здобиените повреди, истакна локалниот функционер Алхаџи Аба Ахмед.
Според него, тие пристигнале на пазарот со автомобил, го извршиле нападот и заминале.