Вол Стрит џурнал: Хуавеи на две странски влади им помогнал да шпионираат, фирмата демантира

Од:

Техничарите од кинескиот гигант Хуавеи помогнале во најмалку два случаи, на владите на Уганда и Замбија да ги шпионираат своите политички противници, објави Вол Стрит џурнал.

Имињата на вработените во компанијата, кои помогнале „упад“ во приватните комуникации на лидерите на опозицијата во тие земји, што подоцна доведе до нивно апсење, се наоѓаат во интерните полициски документи.

Вол Стрит џурнал пишува дека шпионажата вклучувала пресретнување на нивните кодирани комуникации и социјални мрежи.

Властите на двете земји потврдиле дека имало соработка со шпионски агенции и инженери на Хуавеј. Според весникот нема докази дека кинеската Влада шпионирала или ги одобрила таквите активности.

Хуавеи ги отфрли тврдењата на американскиот весник.

„Хуавеи ги отфрла овие целосно неосновани тврдења против нашето работење. Нашата интерне истрага јасно покажа дека Хуавеј и неговите вработени не учествувале во наведените активности. Немаме договори, ниту можност тоа да го направиме“, се наведува во пишаната изјава за Вол Стрит џурнал.

Би можело да ве интересира

Бела куќа: Трамп навистина жали што не вовел повисоки царини за Кина

Трамп негира дека се согласил Макрон да преговара со Иран во име на Г-7

Трамп му вети „многу голем“ трговски договор на Џонсон по Брегзит

Русија ќе разгледа евентуален повик за влез во Г7 на следниот самит во САД

Прв смртен случај од електронски цигари во Илиноис

Кина ќе одговори на новите американски царини