Во воздушни напади во Авганистан загинаа 24 цивили

Од:

Во вчерашните воздушни напади врз селото Сејад Рамазан во северната авганистанска провинција Кундуз загинаа 24 цивили, тврдат очевидци.

Тие тврдат дека при нападот врз селото, што е под контрола на талибанците, загинале и пет деца.

Авганистанското Министерство за одбрана соопшти дека во воздушните напади убиени се 30 талибански борци, додавајќи дека се води истрага поради тврдењата дека помеѓу загинатите има и цивили.

Портпаролот на талибанците ги осуди воздушните напади, наведувајќи дека талибанците немале воени операции во областа за време на воздушниот напад.

Нападот се случи за време на преговорите во Катар помеѓу талибанците и авганистанската за иднината на Авганистан. Преговорите што се клучен дел од мировниот договор, што САД го потишаа со талибанците на 29 февруари, почнаа на 12 септември во Доха.

Конфликтот во Авганистан е најдолга американска воена операција во странство, за чие време во Белата куќа се сменија тројца претседатели.

Би можело да ве интересира

Најмалку 15 жртви во стампедо пред конзулат во Авганистан

Ана Ололовска

Најмалку 13 жртви во самоубиствен напад во Авганистан

Ана Ололовска

Десетици илјадници лица ги напуштија домовите поради интензивните борби во Авганистан

Ана Ололовска

Американското воено воздухопловство бомбардирало талибанци

Ана Ололовска

По 20 години војна, САД им го оставаат Авганистан на талибанците

Ана Ололовска

Американската војска соопшти дека повлекувањето од Авганистан ќе зависи од ситуацијата на теренот

Ана Ололовска