Три лица се уапсени откако во куќа во јужен Велс беа пронајдени телата на две бебиња, пишува Гардијан.
Полицајците биле повикани во една куќа во Бриџенд непосредно пред 20 часот во саботата. Двајца мажи на возраст од 37 и 47 години и една 29-годишна жена се уапсени под сомнение дека прикриле раѓање на дете. Тие се во полициски притвор. Истрагата е во тек.
Марк Атвел, од полицијата во Јужен Велс, рече: „Ова е многу вознемирувачко и апелираме до секој што има информации да контактира со нас. Продолжува опсежна истрага и ги охрабруваме сите што имаат информации или загриженост да разговараат со полицијата“.