Во Словенија од денеска во болниците се примаат само пациенти со Ковид-19 и итни случаи

Од:

Од денеска, приемот на сите пациенти во словенечките болници ќе биде прекинат, освен за пациенти заболени од Ковид-19 и итните случаи. Тоа беше пропишано со указ издаден синоќа од министерот за здравство Томаж Гантар.

Иако Универзитетскиот клинички центар во Словенија, најголемата здравствена установа во земјата и неколку други болници започнаа да ја применуваат оваа мерка пред неколку дена, со указот се пропишува нов режим на работа за сите здравствени установи во Словенија, јави СТА.

Пациентите на онкологија, бремени жени, неонатологија и вакцинации не се опфатени со новата мерка на словенечкото Министерство за здравство, како и итни интервенции опасни по живот на пациенти.

Од денеска во болниците ќе се вршат само најитните, неодложни хируршки интервенции, а Министерството ќе проценува на 14 дена дали тие мерки мора да останат во сила или не.

Во последните 24 часа, според официјалната статистика, во Словенија се регистрирани речиси 2.000 нови заболени од Ковид-19, 449 хоспитализирани и 63 на интензивна нега.

Би можело да ве интересира

Во Вашингтон пуштија да се прават свадби, ама да нема играње

Жарко Настоски

Нема покритично прашање од солидарноста во распределбата на вакцините, вели Макрон

Жарко Настоски

Орбан: Безбедноста на Европа зависи од тоа колку луѓе ќе се вакцинираат

Жарко Настоски

ЕМА го разгледува лекот сотровимаб како терапија против Ковид-19

Ана Ололовска

Нова теза на американските лекари: Ковид-19 не е респираторна, туку болест на крвните садови

Ана Ололовска

Вакцинираните во Германија од недела ќе бидат ослободени од многу мерки

Ана Ололовска