Во Саудиска Арабија запленети 46 милиони таблети амфетамин

Од:

Властите во Саудиска Арабија соопштија дека заплениле 46 милиони таблети амфетамин, шверцувани во пратка брашно што е и рекордна заплена на дрога во земјата.

dobivaj vesti na viber

Безбедносните сили ја следеле пратката додека пристигнувала во пристаништето Ријад, каде што била во складиште, соопшти саудискиот генерален директорат за контрола на наркотици (ГДНЦ).

Во рацијата во магацинот се уапсени шест Сиријци и двајца Пакистанци.

Саудиска Арабија е најголемиот пазар за таблети фенетилин. Фенетилинот обично е мешавина од амфетамин, кофеин и разни филери и наводно е една од најпопуларните дроги меѓу младите богаташи во Саудиска Арабија.

Глобалната трговија со фенетилин рапидно расте и минатата година беше проценета на 5,7 милијарди долари, според неодамнешниот извештај на Институтот New Lines.

Портпаролот на ГДНЦ рече дека пратката од 46.916.480 таблети амфетамин запленети во Ријад е „најголемата операција на шверц на толкава количина на наркотици во Саудиска Арабија“.

Според законите за наркотици во Саудиска Арабија, лицата осудени за трговија со дрога може да бидат осудени на смрт, иако постои мораториум на егзекуции за ненасилни злосторства поврзани со дрога од 2021 година.

ГДНЦ не соопшти од каде потекнуваат запленетите таблети, но се верува дека најголемиот дел од фенетилинот запленет во Заливот потекнува од Сирија и Либан.

Извор: МИА

Би можело да ве интересира

Саудиска Арабија намени 2,5 милијарди долари за Зелената иницијатива

Ана Ололовска

Саудиска Арабија вети 400 милиони долари хуманитарна помош за Украина

Претрес во Струмица, пронајдени амфетамин и марихуана, приведен дилер

(ВИДЕО) Саудиец му се закани на новинар на Ројтерс: Погрешно информирате двапати, нема да има третпат

А1он

Претрес во струмичко, пронајден амфетамин, приведено едно лице

Саудискиот престолонаследник Мохамед бин Салман именуван за премиер

Ана Ололовска