Портпаролот на Министерството за внатрешни работи на Саудиска Арабија, Мансур ал Турк соопшти дека 18 лица се затворени, поради тоа што прибирале доверливи информации, од витални објекти од интерес на друга држава.
Според полицијата се работи за случај на шпионажа, во која биле вклучени 16 државјани на Саудиска Арабија, еден Иранец и Либанец.
Осомничени се приведени со координирани операции во четири региони на кралството, пренесе „Франс прес“.
„Ројтерс“ наведе дека односите помеѓу Саудиска Арабија и неарапската држава Иран се заострени по револуцијата од 1979 година која на власт во Иран ги доведе шиитските муслимани.
Елена Георгиевска