Судот во Мексико осуди 23-годишна девојка на минимум шест години затвор бидејќи во самоодбрана уби маж кој ја нападна и ја силуваше.
Пресудата против Роксана Руиз го навлече гневот на експертите и феминистичките групи.
„Би било лош преседан оваа казна да остане во сила. Испраќа порака до жените дека законот вели дека можеш да се браниш, но само до одреден момент. Те силувал, но немаш право да правиш ништо“, изјави адвокатот Анхел Карера.
Иако судот утврдил дека Роксана Руиз е силувана, проценето е дека 23-годишната девојка е виновна за убиство со „прекумерна употреба на сила“.
Судот тврди дека ударот во главата на напаѓачот би бил доволен за девојката да се одбрани.
Руиз исто така мора да плати повеќе од 16.000 долари како реституција на семејството на човекот кој ја силувал.