Во САД се намалува рејтингот на Бајден

Од:

Рејтингот на американскиот претседател Џо Бајден четири недели по ред бележи пад и сега изнесува 36 отсто, што е најниско ниво од крајот на мај годинава, покажуваат резултатите од анкетата на Ројтерс и Ипсос.

Анкетата покажува дека 73 отсто од демократите го поддржуваат Бајден, што е за еден отсто помалку од минатата недела. Во август минатата година Бајден беше поддржан од 85 проценти од демократите.

Кај републиканците рејтингот на Бајден се намали од 11 на седум отсто.

Според истражувањето, само 18 отсто од Американците веруваат дека нивната земја се движи во вистинската насока.

Триесет и четири проценти од Американците истакнале дека економијата е најважното прашање за граѓаните на САД, а Бајден се соочува со највисока инфлација во изминатите 40 години.

Рејтингот на Бајден се приближува до најниското ниво на неговиот претходник Доналд Трамп, кој во декември 2017 година имаше поддршка од 33 отсто од испитаниците.

Од август 2021 година рејтингот на Бајден не е повисок од 50 отсто, што е предупредување дека неговата Демократска партија би можела да ја загуби контролата врз најмалку еден Дом на американскиот Конгрес на средината на претседателските избори што ќе се одржат на 8 ноември годинава.

Анкетата на Ројтерс и Ипсос, беше спроведено онлајн при што беа испитани 1.002 возрасни Американци, меѓу кои 435 демократи и 379 републиканци.

Извор: МИА

Би можело да ве интересира

Бајден: Одлуката на Врховниот суд за абортусот ја врати Америка 150 години наназад

А1он

ВИДЕО: Повторно Бајден, ја опиша Америка, како „асуфутимаехаехфутбв“

Бајден повика на тримесечно замрзнување на данокот на гориво

А1он

Бајден: Малку веројатно е дека ќе ја посетам Украина за време на европската турнеја

А1он

Републиканците во Тексас го отфрлија Бајден како претседател на САД

ВИДЕО: Бајден падна од велосипед

Ана Ололовска