На Флорида и во Лузијана, држави кои во САД се меѓу петте најзагрозени, приведени се двајца свештеници кои и покрај мерките против коронавирус, ги повикувале верниците во црква и ги собирале во голем број.
Дел од свештениците, во обид да ги почитуваат владините директиви за забрана на собирање, црковни служби одржуваат на паркинзи, на импровизирани сцени, а еден свештеник на Флорида од хеликоптер ги благослови верниците кои се молеа на плажа.
Друг свештеник од Флорида, ги исповеда верниците седнат на пластично столче на паркинг, додека тие му приоѓаат со автомобили.
Но, приведените свештеници Родни Хавард Браун и Тони Спел одбиле да ги почитуваат мерките и наместо тоа ги повикуваа верниците во црква.
Повеќето цркви, џамии, синагоги и храмови во САД привремено се затворени согласно уредбата на претседателот Доналд Трамп по прогласувањето на пандемијата на коронавирус.