Американската полиција нападнала руски новинари кои известувале од протестите во Портланд, во сојузната држава Орегон, пишуваат руските медиуми.
Новинарите снимале репортажа за безредијата во кои демонстрантите го опколиле локалниот суд. Околу зградата имало федерални сили за безбедност дојдени во градот наспроти вољата на властите во Орегон.
Настрадани се снимател на рускиот државен канал Русија 1, кој наводно го снимал обидот на протестантите да го запалат влезот во зградата на судот. Тој бил удрен по рака, му била одземена камерата, која потоа полицаецот наводно ја искршил од асфалтот.
Новинарката го снимала инцидентот со мобилен телефон, полицаец наводно дошол одзади и го одзел телефонот, ја фатил за глава и ѝ го симнал шлемот. Таа побарала помош од медицински волонтери откако вдишала солзавец.
Ова не е првпат руски новинари да настрадаат за време на протестите во САД, пишуваат руските медиуми.
На 31 мај во Минеаполис, новинар на РИА Новости се пожали дека бил нападнат со спреј-солзавец откако покажал новинарска легитимација., а слично поминале и американски новинари од ТВ каналот VICE кои биле во близина.