Во Романија казни за шпекулантите на пазарите на електрична енергија и гас

Од:

Романската Влада најави казни за шпекулантите на пазарите на електрична енергија и природен гас, со цел да спречи зголемување на и онака високите цени и да обезбеди дополнителен извор на приходи за да им помогне на граѓаните и бизнисите со високите цени на енергијата.

Казните би биле пет отсто од прометот доколку се утврди дека преку последователни трансакции ги зголемувале цените на енергенсите.

– Мерките ќе ги спречат шпекулациите на пазарите на електрична енергија и природен гас, истакна романскиот премиер Николае Качу.

Романската влада минатата недела објави дека размислува за воведување данок на дополнителната заработка на сите компании во синџирот на снабдување со енергија, барајќи дополнителни извори на приходи за финансирање на помошта за граѓаните и малите бизниси со високи сметки за енергија.

Сметките за гас и електрична енергија се ограничени на одредено ниво на месечна потрошувачка, а Владата им ја надоместува разликата на добавувачите. Програмата вчера беше продолжена за пет месеци, до крајот на август следната година, но Владата го намали нивото на потрошувачка што гарантира 15 отсто пониска цена.

Владата исто така најави формирање фонд за енергетска транзиција, што ќе се финансира од даноците на производителите и трговците на енергенси и гас.

Извор: МИА

Би можело да ве интересира

Притвор за политичарот од Романија кој силувал малолетничка, дете на негова колешка

Романскиот претседател Клаус Јоханис ја објави својата кандидатура за шеф на НАТО

Земјотрес ја погоди Романија

Путин: Украина се уште добива пари од Русија за транзит на руски гас во Европа

Голем хакерски напад во Романија, над 100 здравствени установи останаа без интернет

Во Романија: Момче сакало да ги убие соучениците

Горан Наумовски