Во пожарот на пазарот во близина на Париз нема жртви

Од:

Голем пожар избувна попладнево во магацинот на најголемиот пазар во околината на Париз, во Ренжис, јавија локалните медиуми наведувајќи дека нема жртви.

dobivaj vesti na viber

Пожарот избувнал во магацин на продавач на големо на овошје и зеленчук, во центарот на познатиот меѓународен пазар каде има 1.200 компании.

Пожарот, за кој сè уште не се знае што го предизвикало, ги зафатил дрвените палети, а потоа се проширил на целата магацинска зграда.

Пожарот го гаснат околу 30 противпожарни возила и 100 пожарникари, соопшти противпожарната служба и додаде дека огнот е ставен под контрола, нема жртви и нема опасност од ширење на пламените јазици.

Густ чад бил видлив на неколку километри, во јужната периферија на Париз, во близина на аеродромот Орли, како и во самиот главен град на Франција.

Локалната полиција соопшти дека истрагата за причините за пожарот е во тек, додека граѓаните и возачите се повикуваат да ја избегнуваат областа.

Пазарот во Ренжис е централен снабдувач на Париз и неговата околина и се смета за еден од најголемите пазари за земјоделски производи во светот.

Извор: МИА

Би можело да ве интересира

Со посета на седиштето на НАСА, Макрон ја почна посетата на САД

Ана Ололовска

Франција за безбедност во сообраќајот сака да ги резервира тротоарите само за пешаците

А1он

Азербејџан ги одложи преговорите со Ерменија, не сака Франција да учествува во нив

А1он

14-годишно девојче во Франција било силувано и убиено

Париз ја повика Србија и „особено Косово“ да го прифатат предлогот на ЕУ за регистарски таблички

Топлотните бранови во Франција предизвикаа 2.816 смртни случаи

А1он