Во последните 24 часа двојно повеќе починати од коронавирусот во Кина, сега се 17

Од:

Бројот на смртни случаи поврзани со новиот тип на коронавирус во Кина се зголеми на 17, речиси двојно повеќе во последните 24 часа, истакнаа денеска официјални лица од кинеската провинција Хубеи, јави ДПА.

Вирусот, што  предизвикува симптоми слични на пневмонија, беше откриен кон крајот на декември во главниот град на провинцијата Вухан.

Кинеските власти претходно регистрираа 470 заразени лица низ цела земја, изразувајќи загриженост дека оваа бројка може да се претвори во спирала во следните неколку дена, кога се очекува стотици илјади Кинези да патуваат од поголемите градови до семејни домови за прославата на кинеската Нова Година, додава германската агенција.

Случаи на заразени лица со коронаворусот се забележани и во Јапонија, Филипините, Јужна Кореја, Тајван, Тајланд и САД, како и на кинеските територии на Хонг Конг и Макао.

Светската здравствена организација се очекува вечерва во Женева да свика итен состанок за да оцени дали појавата веќе е итна здравствена состојба од меѓународен интерес.

Неколку земји ги зголемија контролите на границата со цел да се заштитат од ширењето на болеста.

Би можело да ве интересира

Кинеските авиокомпании нудат авионски билети и за четири долари

Иран им забрани на Кинезите влез во земјата поради коронавирусот

А1он

Кина испраќа 100.000 патки во борбата против скакулците во Пакистан

Ана Ололовска

Кинескиот град Шенжен ќе забрани конзумација на кучиња и мачки поради новиот коронавирус

Ана Ололовска

Кинески град дава по 1400 долари за сомнителни случаи кои сами ќе се пријават

Ана Ололовска

Кина минатата година доби нови 182 милијардера, а САД 59

Ана Ололовска