ВИДЕО: Срушени хеликоптери и цивилни жртви од двете страни, Ерменија воведе воена состојба

Од:

Властите во Нагорно-Карабах воведоа воена состојба и целосна мобилизација на машкото население по ескалација во азербејџанско-ерменскиот конфликт. Тоа го нагласи во изјавата денеска претседателот на регионот Араик Арутјунјан во Степанакерт.

„Почнавме со мобилизација на сите граѓани над 18-година возраст. Објавивме воена состојба“, изјави тој.
Ерменската војска објавила снимки на кои наводно се гледа како се уништени азербејџански тенкови, меѓутоа не е потврдена нивната веродостојност.

„Нашиот одговор ќе биде пропорционален а воено-политичкото раководство на Азербејџан ќе ја преземе целата одговорност за ситуацијата“, се наведува во соопштението.

Руското МНР повика за итен прекин на огнот и преговори.

Ерменскиот премиер Никол Пашинјан изјави дека азербејџанските вооружени сили почнале офанзива во насока на Нагорно Карабах. Според ерменското Министерство за надворешни работи, азербејџанската армија бомбардира населени места, вклучително и главниот град на непризнатата република Степанакерт.

Турција го поддржува Азербејџан и ги осуди новите акции на Ерменија во Нагорно-Карабах. Официјален претставник на турскиот претседател, Ибрахим Калин на Твитер објавил дека Турција остро ги осудува нападите на Ерменија. Тој оценил дека Ерменија повторно го прекршила меѓународното право и покажала дека не сака мир и стабилност.

Би можело да ве интересира

САД ги поздравуваат чекорите преземени од Турција и Ерменија за нормализирање на односите

А1он

Парламентот на Ерменија усвои закон со кој можат да се отпуштаат невакцинирани работници

А1он

Меѓународниот суд на правдата им нареди на Азербејџан и Ерменија да престанат да поттикнуваат омраза

А1он

Петнаесет ерменски војници убиени во судир со азербејџанската војска

А1он

Ерменија и Азербејџан ќе ги обноват преговорите за Нагорно-Карабах

Ана Ололовска

Пашињан: Можно е распоредување руски трупи на границата со Азербејџан

Ана Ололовска