Шеснаесет лица ги загубија животите како резултат на труење со јаглерод моноксид во рудник за јаглен во југозападна Кина, соопштија кинеските власти.
Кинеската државна новинска агенција Синхуа јави дека зголемувањето на нивото на јаглерод моноксид во внатрешноста на рудникот се должи на палење на ленти или ремени, но не прецизира кои од нив.
По операцијата за спасување, единствениот преживеан рудар бил испратен на лекување во болница.
Чунгќинг е голем град во кој живеат повеќе од 30 милиони луѓе.
Кина е најголем производител и потрошувач на јаглен во светот, а нејзините рудници некогаш важеа за едни од најопасните на Земјата.
Стандардите за безбедност се подобрија во последниве години, но несреќите продолжуваат. Во 2019 година забележани се 170 фатални несреќи во кинеските рудници за јаглен, кои довеле до 316 смртни случаи, се вели во официјалниот весник на комунистичката партија „Пиполс дејли“.
Истрагата за несреќата во рудникот, која се наоѓа во кинескиот округ Чиѓијанг, е во тек.