Во Кина веќе не смее строго да се казнуваат ученици, по неколкуте случаи кои завршија трагично

Од:

Кинеските власти од денеска им забрануваат на наставниците да прибегнуваат кон казни што можат да предизвикаат физичка или ментална траума кај учениците, бидејќи во последните години во земјата се забележани случаи на смрт на ученици кои биле строго казнети во училиштата.

Со новите правила кинеското Министерство за образование во иднина забранува понижувачки казни за учениците во училиштата. Во земјата и претходно беше забрането физичкото казнување на учениците.

Удирањето или принудување учениците со часови да стојат во место или да клечат на подот, исто така, се забранети, како и навредувањето на учениците.

Отсега натаму учениците ќе бидат охрабрувани да напишат писмо со извинување или да прават домашни задачи на училиште во случај на помали прекршоци.

Учениците кои извршиле посериозни дела, како што е малтретирање, може привремено да бидат протерани од училиште или да бидат однесени на психолошко советување.

Забраната за физичко казнување на учениците датира од 1986 година, но нејзината примена не била постојана пракса, па родителите честопати ги затворале очите доколку нивните деца биле казнети на училиште.

Кинеските медиуми редовно известуваат за случаи на смрт на деца откако биле претепани од наставник, а некои деца дури извршиле и самоубиство по јавно понижување на училиште.

Би можело да ве интересира

Првачињата од септември ќе учат по нова наставна програма

Спасувачка акција за извлекување на 21 кинески рудар

Биро за развој на образование: Донесени се наставните програми за прво одделение за основното образование

Ана Ололовска

Професори од Средно уметничко: Директорот владее диктаторски, нè тера да држиме физичка настава

Жарко Настоски

Кина ќе гради уште еден космодром

Ана Ололовска

Реакции за учебникот по социологија: Содржината е понижувачка за етничките заедници

Ана Василевска