Во Каталонија нападнати новинари од шпански медиуми

Од:

Поборниците за независност на Каталонија нападнаа четворица новинари на шпански медиуми за време на протестите пред регионалниот Парламент во Барселона, што се одржаа пред два дена, а снимки од настанот беа објавени еден ден подоцна.

Нападот го осуди и шпанското Здружение на новинари.

Репортерката Анхела Гарсија Ромеро од шпанската државна телевизија РТВЕ била погодена со камен или лименка додека се јавувала во живо од местото на настанот.

Демонстрантите ѝ упаѓале во кадарот, попречувајќи го снимањето и емитувањето.

Дајана Мата, репортерка на приватната телевизија Антена 3, и нејзиниот снимател исто така биле навредувани и физички попречувани за време на емитувањето.

– Агресијата е неприфатлив напад врз слободата на изразување и информирање, темел на демократијата. Овие нови напади врз новинарите потврдуваат дека слободното известување во Каталонија се соочува со големи ограничувања, соопшти Шпанската федерација на новинарски здруженија (ФАПЕ).

Во средата на улиците на Барселона се собраа околу 600.000 приврзаници на независноста, одбележувајќи го и националниот ден на Каталонија, соопшти градската полиција. Собирот помина без инциденти.

Но, околу илјада лица се организираа преку социјалните мрежи и околу 20 часот пристигнаа пред парламентот, барајќи оставка од власта со обвинение дека ги предава идеите за самостојна република Каталонија. На овој собир интервенираше полицијата со метални бариери, откако беа фрлани лименки и димни бомби.

– Тој протест и таа група луѓе не беа дел од организираната програма за националниот ден Диада, рече поранешниот претседател на каталонската влада Артур Мас, кој го осуди нападот на новинарите.

Би можело да ве интересира

Поради Ковид-19 во Каталонија 14 дена ќе бидат затворени баровите и рестораните

А1он

ВИДЕО: Каталонските сепаратисти протестираат на улиците на Барселона против посетата на шпанскиот крал и премиерот

Ана Ололовска

Градот Барселона му ги одзеде сите одликувања на обесчестениот поранешен шпански крал Хуан Карлос

Жарко Настоски

Анкета: Каталонците не сакаат независност

А1он

Во Каталонија забранети забавите на отворено, казни за непочитување до 15.000 евра

Жарко Настоски

Во Каталонија се затвораат сите дискотеки и ноќни клубови

Ана Ололовска