Во Јужна Африка нема знаци на развој на тешки форми на Ковид-19 од новиот сој омикрон

Од:

Јужноафриканските научници денеска соопштија дека сè уште нема видливи знаци дека сојот омикрон на коронавирусот предизвикува потешка болест.

Јужна Африка кон крајот на минатиот месец го предупреди светот за новиот сој на коронавирусот, што го доби името омикрон, зголемувајќи го алармот дека многу мутираната варијанта може да предизвика нов раст на глобалните инфекции.

Податоците од болниците покажуваат дека бројот на лица примени со симптоми на Ковид-19 сега нагло се зголемува во повеќе од половината од деветте провинции во земјата, но бројот на смртни случаи не се зголемува толку драматично. Индикаторите, како што е просечната должина на престој во болница, се охрабрувачки.

Иако научниците велат дека е потребно повеќе време за да се дојде до конечен заклучок, министерот за здравство Џо Фахла изјави дека знаците за сериозноста на болеста се добри.

-Иако расте бројот на хоспитализирани, прелиминарните податоци сугерираат дека тоа се должи единствено на поголемиот број на заразени лица, а не на тежината на болеста од варијантата омикрон, рече министерот Фахла.

Во последните неколку дена, епидемијата низ целата земја која сега се поврзува со новиот сој омикрон заразува околу 20.000 лица дневно, поточно во четвртокот имаше 19.018 нови случаи на Ковид-19, но имаше само 20 нови смртни случаи, наведува Националниот институт за заразни болести.

Епидемијата сè уште не го достигнала пикот со повеќе од 26.000 дневни случаи, колку што беа регистрирани за време на третиот бран предизвикан од делта сојот.

Јужна Африка целосно вакцинираше само околу 38 отсто од возрасното население, повеќе отколку во многу други африкански земји, но значително помалку од целта на владата на крајот на годината.

Би можело да ве интересира

(ВИДЕО) Големи бранови предизвика хаос во Јужна Африка: Природна појава усмрти две лица

Младата Верушка Нел од ЈАР ги именуваше убијците пред да почине во болница

Во Јужна Африка загинаа 18 лица во престрелка со полицијата

Научниците алармираат поради новата варијанта на Ковид-19

Горан Наумовски

Прва тужба во Германија поради последиците од вакцината против корона на Фајзер

Ана Ололовска

ВИДЕО: Земјотрес во близина на Јоханесбург, снимки од моментот на потресот

Ана Ололовска