Во Италија кривични пријави за продавање маски по енормни цени

Од:

Финансиската полиција во Италија ќе поднесе кривични пријави против сите трговци кои продаваат заштитни маски за лице и други производи кои ги огласуваат преку Интернет како заштита од новиот коронавирус наречен Ковид-19.
Полицијата денеска соопшти дека открила луѓе кои продаваат маски и по цена од 5.000 евра за парче.
Како што пренесуваат италијанските медиуми, освен што цената е преголема, продавачите преку Интернет лажно тврдат дека нивните производи нудат „целосна заштита“ од коронавирусот.

Финансиската полиција во соопштението наведува дека се поднесени пријави за 20 лица кои лажно огласувале, а запленети се илјадници маски за лице и прочистувачи за воздух.

Лажното огласување се казнува со затворска казна во траење до две години.

По појавувањето на коронавирусот во Италија, во неколку делови на земјата маските за лице и антибактериските гелови се купувале во огромни количини, по што се препродавале по енормни цени.

Италијанскиот министер за надворешни работи Луиџи ди Мајо на прес-конференција рече дека Владата разгледува мерки за смирување на цените.

Светската здравствена организација апелира маски да се носат само во случај на редовен контакт со заразени лица и оние кои кашлаат и киваат.

Би можело да ве интересира

Словенија од вторник почнува со постепено укинување на ограничувања за коронавирусот

А1он

Франција го мина прагот од 10. 000 мртви од Ковид-19

А1он

Состојба со Ковид-19 во светот до 20 часот

А1он

Раб: Верувам дека Џонсон ќе се извлече, бидејќи е борец

А1он

Помпео: Дополнителни 225 милиони американски долари помош за глобалната борба против пандемијата

А1он

Русија разви потенцијална вакцина за коронавирус, засега се тестира само на животни

А1он