Во Иран во изминатите 24 часа регистриран е рекорден број смртни случаи од последици од Ковид-19 на дневно ниво.
Иранското Министерство за здравство соопшти дека во изминатото деноноќие починале 235 лица.
Иран по бројот на инфицирани лица се наоѓа на 11 место во светот, а смртните случаи се зголемија од втората половина на април, кога беа укинати дел од рестриктивните мерки.
Во Иран потврдени се 296.273 случаи со новиот коронавирус, а од почетокот на епидемијата починале 16.147 луѓе.