Во Индонезија уапсен терорист-биолог одговорен за убиства и бомбашки напади

Од:

Индонезиската полиција соопшти дека минатата недела го упасила Арис Сумарсоно, воен командант на групата Џама Исламија, група поврзана со Ал Каеда. Сумарсоно е одговорен за повеќе смртоносни напади и судири во Индонезија.

Уапсениот е познат и како Зулкарнаин. Тој бил уапсен на 10 декември во округот Источен Лампунг на островот Суматра.

Сумарсоно, кој по професија е биолог, 18 години бил на полициска потерница. Тој бил помеѓу првите милитанти од Индонезија кој во 80-тите години од минатиот век заминал во Авганистан, каде седум години бил инструктор во тамошната воена академија.

Зулкарнаин е осомничен за подготовка на бомби што биле употребени во низа напади, вклучително и бомбашките напади на Бали во 2002 година, во кои загинаа 202 луѓе, воглавно странски туристи, како и во нападот врз хотелот Мериот во Џакарта, при што беа убиени 12 лица.

Тој бил организатор и на бомбашкиот напад врз службената резиденција на филипинскиот амбасадор во Џакарта во 2000 година, при што загинаа две лица, како и на бомбашкиот напад во 2004 година пред Амбасадата на Австралија при што беа убиени деветмина, како и на бомбашкиот напад на Бали во 2005 година, кога загинаа 20 лица.

Од мај 2005 година Зулкарнаин е на црната листа на Совет за безбедност на Обединети нации поради поврзаност со Ал-Каеда и Осама бин Ладен, како и со талибанците.

Американската програма „Награда за правда“ понуди пет милиони евра за информации што би довеле до апсење на Сумарсоно. Тој беше единствен Индонежанец на листата.

Би можело да ве интересира

Индонезија ја интензивира потрагата по исчезната подморница

Ана Ололовска

Индонезиската подморница пoтонала премногу длабоко, сè помалку надеж за 53-цата морнари

Жарко Настоски

Исчезнатата индонезиска подморница се верува дека е на 600-700 метри длабочина

Ана Ололовска

Индонезиска подморница исчезна за време на воена вежба крај островот Бали

Ана Ололовска

Силен земјотрес во западна Индонезија

Ана Ололовска

Муслиманската заедница бара брзо да се расветли крвавиот инцидент во џамијата во Тирана

Жарко Настоски