Во Индија се подигнува ѕид пред посетата на Трамп

Од:

Ѕид од тули долг половина километар ќе биде подигнат во индиската држава Гуџарат пред посетата на американскиот претседател Доналд Трамп.

Според критичарите ѕидот ќе биде изграден за да се блокира погледот кон сиромашниот кварт каде живеат повеќе од 2.000 луѓе.

– Бидејќи трошат толку многу пари на овој ѕид, зошто не би го искористиле за подобрување на нашиот кварт и за подобри услови за нас. Зошто не кријат нас сиромашните луѓе, изјави Кеши Сараниа.

Трамп за време на дводневната посета на Индија следната недела ќе го посети градот Ахмедабад во Гуџарат, каде ќе присуствува на настан „Поздрав до Трамп“ на стадионот за крикет. Трамп ќе се вози по патот покрај сиромашниот кварт.

Во септември минатата година беше одржан собир „Здраво Моди“, кога Трамп беше домаќин на индискиот премиер Нарендра Моди во Хјустон.

Високата владина претставничка Биџал Пател изјави дека ѕидот се гради поради безбедносни причини, а не да го скрие сиромашниот кварт.

Покрај безбедносни причини, ѕидот е поставен поради разубавување и хигиена, посочи Пател.

Властите вчера наредија и иселување на 45 семејства кои живеат во друг сиромашен кварт во близина на стадионот за крикет.

Би можело да ве интересира

Трамп најави „грандиозен“ огномент во чест на 4 јули

А1он

О’Брајан: Трамп не добил устен извештај за наводни руски парични награди за талибанците

Ана Ололовска

Над 600 илјади заразени со коронавирус во Индија

Ана Ололовска

Во притвор во Индија татко и син претепани до смрт, уапсени петмина полицајци

Ана Ололовска

Твитер отстрани фотографија на „Њујорк Тајмс“ објавена од Трамп

Ана Ололовска

Гувернерот на Њујорк бара од Трамп да признае дека ја негирал сериозноста на коронавирусот

Ана Ололовска