Во Холандија почна аукција за 5Г фреквенции

Од:

Со учество на некои „големи играчи“ во телекомуникацискиот сектор, во Холандија почна првата државна аукција на 5Г фреквенции, а најнискиот очекуван приход изнесува 900 милиони евра.

Предмет на аукцијата се фреквенциските опсези од 700, 1.400 и 2.100 мегахерци, а покрај домашната телекомуникациска компанија КПН, учествуваат и „Водафон“ и „Т-мобиле“.

Според правилата, аукцијата мора да заврши до 1 август, но можно е тоа да се случи и порано, а ниту една од заинтересираните компании нема да може да откупи повеќе од 40 проценти од кој било фреквенциски опсег.

Иако „Водафон“ во април објави дека почнал да обезбедува 5Г телекомуникациски услуги, кога станува збор за воведување на таа технологија, Холандија заостанува во однос на некои други европски земји.

Аукцијата на фреквенцискиот опсег од 3,6 гигахерци – кој во јавноста најчесто се поврзува со 5Г технологијата – е одложена до почетокот на 2022 година, поради преместување на еден сателитски систем кој би можел да го попречува функционирањето на таа технологија.

Би можело да ве интересира

Во Холандија судири меѓу демонстранти и полиција, 25 уапсени

Ана Ололовска

Во Холандија прв пат по 75 години воведен полициски час: Казна од 95 евра за секој што ја прекршува оваа мерка

Ана Ололовска

Холандската Влада поднесе колективна оставка

Ана Ололовска

Холандската Влада пред колективна оставка поради лошо управување на државна помош за згрижување деца

Жарко Настоски

Градоначалничката на Амстердам сака на туристите да им забрани да влегуваат во кафулињата со марихуана

Ана Ололовска

Амстердам планира забрана за марихуана за туристите

Ана Ололовска