Во Холандија дозволена евтаназија и при напредна деменција

Од:

Врховниот суд на Холандија денеска донесе одлука дека лекарите можат легално да извршат евтаназија на лица со напредна деменција кои претходно во пишана форма изразиле таква желба, дури и ако повеќе не можат да ја потврдат поради својата болест.

Пресудата е пресвртница во холандското законодавство за евтаназија кое досега бараше од пациентите да го потврдат барањето за еутаназија.

Се сметаше дека тоа не е можно кај пациенти со деменција.

Лекарите можат да извршат евтаназија кај луѓе со напредна деменција врз основа на барање поднесено претходно, наведе Врховниот суд во резимето на својата одлука.

Лекарите треба да бидат сигурни дека се исполнети и другите критериуми на неподносливо страдање без никаква надеж за закрепнување.

Пресудата е донесена откако обвинителите покренаа кривична постапка против лекар кој изврши милосрдно убиство во дом за стари лица над 74-годишна жена со Алцхајмерова болест која претходно изразила желба да се евтанизира.

Евтаназијата била извршена со поддршка на семејството на пациентот.

Лекарот минатата година беше ослободен од сите обвиненија, но обвинителите побараа Врховниот суд да донесе пресуда за да се има правен преседан затоа што законот не беше јасен по тоа прашање.

Би можело да ве интересира

Руте: Италија следниот пат треба сама да ги решава проблемите

Ана Ололовска

Кина го прекина увозот на свинско месо од Холандија

Ана Ололовска

Во Холандија почна аукција за 5Г фреквенции

А1он

Во Хаг приведени над 400 луѓе поради насилни протести против мерките за коронавирусот

Ана Ололовска

ВИДЕО: Водени топови против демонстрантите во Хаг кои се против рестрикциите за заштита од Ковид-19

А1он

Во ера на дрскост, трезвен и нормален холандски премиер

Ана Ололовска