Властите на јапонскиот град Хирошима имаат намера да уништат две згради кои ја издржаа експлозијата на атомската бомба во 1945 година, иако некои локални жители сакаат тие да бидат зачувани.
Зградите, изградени во 1913 година, биле користени како фабрика за производство на воена облека, а подоцна и за сместување студенти. Тие биле користени и за болница по падот на атомската бомба.
Бомбата уби околу 80.000 луѓе, а беа повредени околу 35.000. Нападот го срамни со земја поголемиот дел од градот, а до минатата година, во областа околу пет километри од местото на паѓањето на бомбата постоеја само 85 згради изградени пред бомбардирањето. Двете згради издржале затоа што биле изградени од армиран бетон. Некои оштетувања сè уште се видливи на металните прозорци и вратите.
Во 2017 година, експертите утврдија дека зградите ќе се урнат во случај на поголем земјотрес.
Зградите не се користат ниту се отворени за јавноста, а властите планираат да ги урнат до 2022 година. Третата зграда на оваа локација ќе биде зачувана, а нејзините sидови и покривот ќе бидат санирани и зајакнати за да се заштити од земјотреси.