Во Грузија уапсен опозицискиот лидер Ника Мелија

Од:

Грузиската полиција со насилен упад во седиштето на главната опозициска партија „Обединето национално движење“ го уапси лидерот на партијата Ника Мелија, во живо пренесуваше телевизијата „Мтавари“.

Грузија се наоѓа во сериозна политичка криза од завршувањето на парламентарните избори минатата година.

Опозицискиот лидер беше изнесен од партиските простории и приведен.

Стотици полицајци во опрема за сузбивање немири употребија солзавец против неговите приврзаници и лидерите на сите опозициски партии, кои од минатата среда се собрани пред зградата, а притоа приведоа уште десетици други приврзаници на опозицијата.

Полициската акција следеше по минатонеделната оставка на премиерот Гиорги Гакарија. Како причина за неговата оставка тој ги наведе несогласувањата во владеачката партија околу примената на судската наредба за апсење на опозицискиот лидер Мелија.

Опозиционерот Мелија беше обвинет за поттикнување насилство на уличните протести во јуни 2019 година, а тој го отфрли обвинението како политички мотивирано.

Судот во Тбилиси минатата недела нареди негово апсење, бидејќи тој, наводно, не платил кауција.

Министерството за внатрешни работи тогаш соопшти дека го одложува извршувањето на наредбата за апсење на Мелија по оставката на премиерот Гиорги Гакарија.

Денешниот упад предизвика гнев во здружената опозиција и предупредувања од грузиските западни советници.

Би можело да ве интересира

Премиерот на Грузија поднесе оставка

Владата на Грузија поднесе оставка

Ана Ололовска

ВИДЕО: Уапсен човек што држеше заложници во Тбилиси, барал да се забрани коцкањето и банките да ги спуштат каматите

Жарко Настоски

Грузија бара засилено американско присуство на Кавказ

Ана Ололовска

Помпео ја посети Грузија, илјадници протестираат против изборните резултати

Ана Ололовска

Судир меѓу полицијата и демонстрантите во Тбилиси кои бараат повторување на парламентарните избори

Ана Ололовска