Германските власти денеска соопштија дека уапсиле второ лице во врска со случајот со шпионажа за Русија, јави Анадолија.
Федералните обвинители соопштија дека Артур Е., чие презиме не е објавено од причини за приватност, бил приведен на аеродромот во Минхен минатиот месец по пристигнувањето од САД.
Обвинителите објавија дека осомничениот, германски државјанин, е обвинет за предавање тајни на руската разузнавачка служба, добиени од Карстен Л., познаник кој работи за германската разузнавачка агенција БНД.
„Артур Е. не бил вработен во БНД“, рекоа обвинителите.
Во истрагата германските власти добија поддршка од ФБИ.
Извор: МИА