Во Германија се случи првата „кибер катастрофа“ во светот

Од:

Локалните власти во германската област Анхалт-Битерфелд, една од 11-те во североисточната држава Саксонија-Анхалт, соопштија дека се наоѓаат во вонредна состојба откако хакери ги парализирале нивните компјутерски системи.

Ова е прва „кибер-катастрофа“ во светот, потврди германскиот федерален надзорен орган за кибер безбедност.

– Речиси целосно сме парализирани, изјави портпаролот на Анхалт-Битерфелд.

Локалните власти се крајно загрижени дали ќе можат да ги продолжат своите електронски услуги следната недела и одбија да го коментираат идентитетот на хакерот или дали е побаран откуп, велејќи дека истрагата е во тек.

Меѓу првите објаснувања за нападот беше тврдењето дека во Анхалт-Битерфелд се користеле застарени и слабо одржувани софтверски системи, многу ранливи на хакерски напади.

Анхалт-Битерфелд има 157.000 жители.

Откако „хакирањето“ беше прогласено за кибер-катастрофа, локалните власти очекуваат да добијат помош од германските федерални власти.

Германската агенција за кибер безбедност БСИ соопшти дека веднаш испратила кризен тим во Анхалт-Битерфелд. Во меѓувреме, локални медиуми јавија дека и други области во Германија биле мета на кибер напади, но за првпат е прогласена кибер-катастрофа.

Би можело да ве интересира

Олаф Шолц: Гласачите покажаа дека сакаат да бидам идниот канцелар на Германија

Лашет: Тесна борба, унионистите сакаат да ја предводат владата

Излезни анкети: ЦДУ/ЦСУ и СПД освоија по околу 25 проценти од гласовите на изборите во Германија

Катерина Павлова-Николовска

Германците одлучуваат кој ќе биде наследник на Ангела Меркел

Катерина Павлова-Николовска

Хакери ја нападнале државната албанска телевизија, побарале 300.000 долари за враќање на архивата

Катерина Павлова-Николовска

Германците утре го бираат наследникот на Ангела Меркел

Катерина Павлова-Николовска