Во Париз синоќа беше уапсен полицаец од одделението за борба против дрога поради сомневање дека украл 52 килограма запленет кокаин чија вредност е проценета на околу два милиона евра.
Кај осомничениот се пронајдени 200.000 евра, соопшти полицијата. Уапсениот полицаец (34) отфрла обвинувања и наведува дека парите ги заработил со коцкање на интернет.
Кокаинот кој беше запленет минатиот месец и чуван во полициска станица, се уште не е пронајден.