Според информации на регионалната телевизија „Франс 3 Акитен“ на 17 километри од По, град во француските Пиренеи, дошло до судир на два патнички возови, од кои еден е брзиот ТГВ.
Во несреќата имало најмалку 15 повредени од кои тројца потешко, јави дописникот на МИА од Париз.
Според весникот „Суд Вест“, ТГВ непосредно пред судирот застанал на пругата, и до судирот дошло пред тој повторно да тргне.
Засега нема повеќе информации за причината на несреќата, а спасувачките екипи работат на евакуирањето на повредените.