Во експлозија при научен експеримент за време на фестивал во Шпанија повредени 18 лица, меѓу кои 10 деца

Од:

Во експлозија на научен фестивал во североисточна Шпанија повредени се најмалку 18 лица, меѓу кои 10 деца на возраст од три до 13 години, јави ДПА. Некои од повредените се во тешка здравствена состојба.

Експлозијата се случи за време на демонстрација во Домот на културата во каталонскиот град Жирона, на околу 100 километри североисточно од Барселона. Фестивалот беше организиран од локалниот универзитет.

За време на експериментот, контејнер со течен азот експлодирал пред публика од 200-300 луѓе, повеќето од нив семејства со деца. Повеќето од повредените настрадале од разнесените делови од експлодираниот метален контејнер. Нема луѓе со изгореници.

Најлоша е состојбата на петгодишно девојче. Заедно со уште четири лица, две деца и двајца возрасни, биле примени во болницата во Жирона.

Случајот го истражува каталонската полиција. Портпаролот на Универзитетот во Жирона изјави дека овој експеримент многупати бил правен без проблеми и сега не е јасно зошто дошло до сериозниот инцидент.

Извор: МИА

Би можело да ве интересира

Шпанската полиција упадна во Шпанскиот фудбалски сојуз, уапси најмалку шест лица

Горан Наумовски

(ВИДЕО) Петгодишно момче, неговиот татко и баба загинаа во пожар во Шпанија

ВИДЕО: Mоментот кога пожарникарите спасуваат двајца луѓе од запалената зграда во Валенсија

Катерина Ѓуровски

ВИДЕО: Четоврица мртви и 19 исчезнати во страотниот пожар во Валенсија

Катерина Ѓуровски

(ВИДЕО) Најмалку 13 повредени во пожар во станбена зграда во Валенсија

Горан Наумовски

(ВИДЕО) Голем пожар во зграда во Валенсија

Горан Наумовски