Во Брисел конечно падна договор за седумгодишниот заеднички буџет на ЕУ

Од:

Претседателот на Европскиот совет, Шарл Мишел, вечерва потврди дека е постигнат договор за повеќегодишниот заеднички буџет и Пакетот за закрепнување.

Мишел, кој претседава со состанокот на лидерите на 27-те земји членки на ЕУ во Брисел, на својот профил на Твитер напиша дека сега може да почне спроведувањето на буџетот и да се работи на закрепнувањето на европските економии.

Унгарија и Полска претходно го блокираа буџетот на ЕУ за следните седум години и пакетот за обнова, вреден вкупно 1,825 милијарди евра, заради спротивставувањето кон новиот механизам што бара буџетско финансирање со почитување на владеењето на правото во земјите-членки.

Германија, како претседавач во Советот на ЕУ, на овој состанок претстави компромисен предлог што гарантира правична примена на механизмот, вклучително и проценка на Судот на правдата и можност за жалба до Европскиот совет на земји против кои механизмот може да биде отпочнат.

Би можело да ве интересира

ЕП го одобри буџетот на Европската Унија за 2021 година

Унгарија и Полска планираат да стават вето на буџетот на ЕУ

Жарко Настоски