Во американски воздушни напади во источна Сирија убиени 17 проирански борци

Од:

Најмалку 17 проирански борци се убиени синоќа во американски воздушни напади во Сирија, во близина на границата со Ирак, први по наредба на претседателот Џо Бајден врз објекти за кои Пентагон смета дека им припаѓаат на проиранската милиција, соопштија од Белата куќа и од сирискиот Центар за мониторинг на човековите права од Лондон.

-По наредба на претседателот Бајден, американската војска вечерва изврши воздушни напади врз инфраструктурата што ја користеа милитантни групи поддржани од Иран во источна Сирија, изјави портпаролот на Пентагон, Џон Кирби.

Тој додаде дека Бајден ќе дејствува за да ги заштити американските и коалициските трупи.

-Истовремено, дејствувавме на одреден начин со цел да ја деескалираме целокупната состојба во источна Сирија и Ирак, додаде Кирби.

Според директорот на Центарот, Рами Абдел Рахман, во нападите се уништени три камиони муниција, а многумина се убиени.

Тој изјави дека според првите податоци убиени се најмалку 17 членови на коалицијата на проирански и ирачки паравоени формации.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски