Владејачката партија Право и правда победи на изборите во Полска, освојувајќи 45 проценти од гласовите, покажаа прелиминарните резултати.
Полската државна изборна комисија објави дека партијата Право и правда освоила речиси 45 проценти од гласовите, наспроти 38 проценти во 2015 година.
Досега се пребројани околу 91 процент од гласовите.
Резултатите покажуваат дека партијата на поранешниот премиер Јарослав Качински ќе има мнозинство во Парламентот.
Најголемата опозициска партија, центристичката Граѓанска коалиција, освои речиси 27 проценти, додека левичарската група партии околу 12 проценти.
Следуваат конзервативната Полска народна партија со девет проценти, и Десничарската конфедерација со 6,8 проценти од гласовите.