Објавено е видео од пропагандистите на Путин кои дебатираат дали украинскиот претседател Володимир Зеленски е антихристот или „само мал демон“.
Клип од шоуто, кое се емитува на руската државна телевизија, беше објавено на Твитер од Џулија Дејвис, колумнистка на Дејли Бист.
Meanwhile in Russia: in all seriousness, pundits and experts on Russian state TV argue whether President of Ukraine Volodymyr Zelensky is the Antichrist or just a small demon. pic.twitter.com/08yt8aPP8d
— Julia Davis (@JuliaDavisNews) December 2, 2022
„Верувам дека Православната црква треба да изјави дека Зеленски е официјалното доаѓање на антихристот. Тој е официјалниот антихрист. Од гледна точка на православието, овој човек е класичниот антихрист“, рече рускиот политички аналитичар Араик Степанијан.
„Треба да го заборавиме презимето Зеленски. Едноставно треба да го наречеме Антихристот. Тој направи договор со ѓаволот и ги исполнува своите обврски од овој договор. За ова не може да има дипломатија и блискост. Треба да разбереме дека уништувањето на православието и се случува негово искоренување“, рече тој.
Друг гостин во емисијата не се согласува со оваа теза. Тој смета дека Зеленски е „само мал демон“.
„Му ласкаш на Зеленски нарекувајќи го Антихристот. Тој е само мал демон, но ништо повеќе од тоа. Да, тој му служи на Антихристот“, рече политикологот Александар Камкин.
Степанијан одговара дека мал демон не може да доведе до толку крвопролевање. „Мал демон не можеше да го постигне тоа“, рече тој.