Снимки објавени на социјалните мрежи прикажуваат повеќе тела на улиците на градот Буча во близина на Киев.
Во градот во кој се водеа тешки борби влегоа украинските сили. АФП пренесува дека телата на најмалку 20 мажи во цивилна облека биле пронајдени на една улица откако украинските сили го презеле градот од Русите.
Агенцијата јавува дека на еден од убиените му биле врзани рацете, а телата биле расфрлени неколку стотици метри по патот. Нема детали за причините за смртта на луѓето иако најмалку едно лице има голема рана на главата.
Bucha a month ago – a beautiful modern #Kyiv suburb. #Bucha now- stables bombarded and burned, houses robbed to the last spoon, or wrecked to the ground, young families killed, men gone missing, women raped.
wrecked, robbed houses, wrecked or lost lives. #StandWithUkraine pic.twitter.com/FNKbyzdYHr
— Anton Gerashchenko (@Gerashchenko_en) April 1, 2022
Советникот на украинскиот министер за надворешни работи Антон Герашченко на Твитер објави видео од уништената Буча, која е речиси целосно срамнета со земја.
„Буча беше прекрасно, модерно предградие на Киев пред еден месец“, напиша Герашченко на Твитер, додавајќи:
„Буча денес – бомбардирани и изгорени амбари, куќи ограбени до последната лажица или срамнети со земја, млади семејства убиени, мажи исчезнати, жени силувани.