Воениот известувач на британски Гардијан, Лук Хардинг, објави видео на Твитер на кое се гледаат украинските сили во ослободениот стратешки важен град Лиман како обезбедуваат зграда на полициска станица.
На видеото се гледа и како палат руски знамиња по „чистењето“ на зградата.
More #Russian flag burning in #Lyman today, with the Ukrainian colours raised outside the city's police station, and the white blue and red tricolour set alight in the courtyard pic.twitter.com/9LSbtmgTGL
— Luke Harding (@lukeharding1968) October 2, 2022
Губењето на Лиман четири месеци по неговото заземање од руските сили е „понижувачки момент“ за рускиот претседател Владимир Путин, кој во петокот го прогласи Доњецк, каде што се наоѓа Лиман, за руска територија, заедно со уште три други окупирани руски региони.
Путин во говорот во Кремљ рече дека овие четири региони отсега се дел од Русија и „така ќе останат засекогаш“.
„Вечното“ на Путин во случајот Лиман траеше – еден ден.