ВИДЕО: Вандализиран гробот на Карл Маркс

Од:

Гробот на Карл Маркс, кој се наоѓа на лондонските гробишта Хајгејт, повторно е вандализиран, втор пат во помалку од две недели, објавија британските медиуми.

Непознат сторител со црвена боја на надгробната плоча испишал пароли „доктрина на омраза“ и „архитект на геноцид“, а полицијата за ова била информирана во саботата наутро. Нападот на споменикот доаѓа по помалку од две недели откако претходно некој со тап метален предмет ја оштетил мермерна плоча, дел од споменикот на кој се испишани имињата на оние кои почиваат тука.

„Целта е името на Карл Маркс, ова не е обичен вандализам, туку насочен напад кон ликот и делото на Карл Маркс“, изјави по првиот вандалски чин, Јан Дангвел, шеф на фондацијата „The Friends of Highgate Cemetery“, која ги одржува гробиштата.

Од гробиштата Хајгејт, преку „Твитер“, порачаа дека станува збор за глупав и бесмислен вандализам.

Лондонската полиција соопшти дека засега никој не е уапсен за овој чин, исто како и за оној од пред две недели.

Би можело да ве интересира

Судир меѓу полиција и антиваксери во Лондон

А1он

Во Лондон се продава јахта претворена во удобен дом

А1он

ВИДЕО: Гори станица од лондонското метро, имало експлозии

Жарко Настоски

Садик Кан реизбран за градоначалник на Лондон

Брнабиќ: Мерките против коронавирусот ќе мора да се заострат

Драма на аеродром во Лондон: Запрен авион поради киднапирано дете